నసీరుద్దీన్ కథలు
- Ramyageetika
ముగ్గురు వ్యక్తులు వాళ్ళదగ్గర ఉన్న డబ్బు తో పదిహేడు (17) గాడిదలు కొన్నారు. దానికై మొదటివాడు సగం, రెండోవాడు మూడోవంతు, మూడోవాడు తొమ్మిదో వంతు పెట్టుబడిగా పెట్టారు. వాటిని వాళ్ళు ఆ ప్రకారంగానే పంచుకోవాలనుకున్నారు. దానిప్రకారం కొన్న గాడిదలలో సగం మొదటి వాడికి, మూడో వంతు రెండో వాడికి, తొమ్మిదవ వంతు మూడవ వాడికీ రావాలి.
అలా చూస్తే మొదటి వ్యక్తి కి (ఎనమిదిన్నర) 8 1/2 గాడిదలు, రెండవ అతనికి 5 2/3 (ఐదూరెండూ బై మూడు గాడిదలు), మూడో అతడికి 1 8/9 (ఎనిమిదీ బై తొమ్మిది గాడిదలు) రావాలి. ఇలాంటి పంపకం సాధ్యం కానిది. గాడిదలను ముక్కలుగా కోసి తీసుకోవడం వాళ్ళకి నచ్చలేదు. పరిష్కారంకోసం కాజీ దగ్గరకు వెళ్ళారు వాళ్ళు.
కాజీ కి ఎంతగా ఆలోచించినా పరిష్కారం తట్టలేదు. ఆ సమస్య కు మౌల్వీ నసిరుద్దీన్ మాత్రమే పరిష్కారం చూపగలడు అనుకుని నసిరుద్దీన్ కి కబురు చేసాడు.
నసిరుద్దీన్ తన గాడిదను ఎక్కి అక్కడికి వచ్చాడు. వాళ్ళు చెప్పింది, కలిగిన సమస్య అంతా విని. ఆ పదిహేడు గాడిదలకు తన గాడిదను కలిపి పంపకం మొదలెట్టాడు. అతడి గాడిదతో కలిపి అవి పద్దెనిమిది అయ్యాయి (18). వాటిల్లో సగం తొమ్మిది (9) గాడిదలను మొదటి వాడిని తీసుకోమని చెప్పాడు.
సాబ్ మీ గాడిద మాకు ఇవ్వడమేమిటి? మా సమస్య కోసం మీరు గాడిదను పోగొట్టుకోవటం మాకు ఇష్టం లేదు అన్నారు ఆముగ్గురూ.
నా గాడిదను ఇచ్చేంత తెలివితక్కువ వాడిని కాను. మీరు ముందు మీ వాటాలు తీసుకొండి అంటూ ఇలా పంపకం చేశాడు.
మొదటి వాడు సగం డబ్బు పెట్టేడు గనుక ఉన్న మొత్తం గాడిదలలో సగం వాడికి రావాలి. మొత్తం 18 గాడిదలలో సగం 9 వాడికి.
రెండో వాడికి మూడో వంతు వాటా రావాలి అంటే 18 గాడిదలలో మూడోవంతు 6 కనుక వాడికి 6 గాడిదలు ఇచ్చేశాడు.
ఇక చివరి వాడి పెట్టుబడి తొమ్మిదో వంతు. మొత్తం గాడిదలలో తొమ్మిదో వంతు రావాలి. 18 లో తొమ్మిదో వంతు 2 కనుక 2 గాడిదలు అతడికి ఇచ్చేశాడు.
అలా మొదటి వాడికి 9 రెండోవాడికి 6 మూడోవాడికి 2 మొత్తం కలిపితే 17 గాడిదలు లెక్క సరిగ్గా సరిపోయింది. అందరూ తమకు రావలసిన దానికంటే ఎక్కువే వచ్చిందని ఆనంద పడ్డారు. గాడిదలను ముక్కలు చేసే పని లేనందుకు హమ్మయ్య అనుకున్నారు.
అలా అందరికీ పంచగా చివరికి మిగిలిన తన గాడిదపై ఎక్కి నసీరుద్దీన్ వెళ్ళాడు.
ఈ కథ కోసం చాలా వెతికాను. ఇప్పటికి మీ వల్ల మళ్ళీ కనిపించింది.
Thanks.
ఇది చిన్నప్పుడు తెనాలి రామలింగడు, ఏనుగుల లెక్కలాగా చదువుకున్న గుర్తు.
లలిత గారు, అవునండీ. తెనాలి రామలింగడు కథల్లో ఇది కూడా ఉండే ఉంటుంది. కొంత మటుకి నసీరుద్దీన్ కథలు వాటిని పోలి ఉంటాయి.
అలాగే రెండింటిలోనూ చమత్కారం, వెక్కిరింత, హాస్యం తో ఉంటాయి కథలు.
నేనొప్పుకోను, గాడిదల పెంపకం అని తప్పుగా చదివి ఇక్కడికొచ్చాను. మీరు ఇలా పంచడం నాకు నచ్చలా. I hurted
nice story. i like it. bhale pampakam, fine ilage raastundandi.
అందుకేనేమో నేను చదువుకున్న కథలో తండ్రి తన ఆస్తిని పిల్లలకి పంచడం గురించి ఉంది.
లెక్కలో టోటల్ అమౌంట్ ఎంత అనే ప్రసక్తి లేదు. వాళ్ళ పెట్టిన సొమ్ము కి పదిహేడు వచ్చాయి.
అసలు సంగతి ఏమిటంటే మొదట వాళ్ళు పంచుకున్నప్పుడు వాళ్ళు వేసుకున్న లెక్ఖప్రకారం ఇంకా కొంత మిగిలే ఉంటుంది, మొదటి పంపకం మొత్తం కలిపితే పదిహేడు అవదు చూడండి. అందుకే వాళ్ళకు రెండో సారి ఎక్కువ ముట్టినట్టుగా అనిపించింది.
ఒకటి కలిపిపంచినప్పుడు ఈక్వేషన్ సరిపోతుంది.
Nice story.
సౌందర్య, గడ్డం చక్రవర్తి
వేసిన సినిమా(పేరు గుర్తు లేదు)లో
“రూపాయిలతో లెక్క ఏదో ఉన్నది, మిగిలిన ఆ ఒక్క రూపాయి ఏది?”అంటూ, హీరోయిన్ ని నవ్విస్తాడు హీరో.
కుదిరితే ఆ హాస్య గణితాన్ని కూడా ఇవ్వండి.
” జాబిల్లి”ని పాటలు, పజిల్సు, కథలతో
చక్కగా రూపొందిస్తున్నారు, అభినందనలు.
kadambari piduri గారు, తప్పకుండానండి. వెతుకుతున్నాను.
లలిత గారు మీరు తిమ్మరుసు కథ చదివి వుంటారు. తెనాలి రామలింగడు కాదు. న్యాయ సమస్య పరిష్కారం ఎప్పుడూ తిమ్మరుసు లేదా మర్యద రామ్మన్న లు చేస్తూ వుంటారు.